13 yaşlı qızı 9 min manata satıblar

Yeniyetmə qızın 7 aylıq hamilə olduğu üzə çıxıb

Türkiyənin Şanlıurfa bölgəsindəki Bakırtaş kəndində yaşayan 13 yaşlı N.A. mədəsi bulandığı və qusmadan şikayətləndiyi üçün Şanlıurfa Qadın Xəstəlikləri və Doğum Evi Xəstəxanasına aparılıb.

Lent.az-ın “haberturk.com” saytına istinadən verdiyi məlumata görə, xəstəxanada aparılan müayinə zamanı N.A.-nın 7 aylıq hamilə olduğu üzə çıxıb. Qız yetkinlik yaşına çatmadığı üçün həkimlər bu barədə polisə məlumat veriblər. Polisin araşdırması zamanı məlum olub ki, 9 ay əvvəl atası vəfat edən N.A. əmisi Mahmut.A. tərəfindən 18 min türk lirəsi (9 min manat) qarşılığında Mustafa Ç. Adlı şəxsə verilib.

N.A.-nın birlikdə yaşadığı Mustafa Ç. (20) və əmisi Mahmut A. saxlanılıb. İfadələri alındıqdan sonra prokurorun təlimatı ilə hər ikisi azadlığa buraxılıb.