Bakıda 60 yaşlı qadını zorlayan şəxsə 6 il həbs cəzası verilib

İyulun 12-də Ağır Cinayətlərə Dair İşlər üzrə Məhkəmədə 60 yaşlı qadını zorlamaqda təqsirləndirilən Bakı şəhər sakininin cinayət işi üzrə məhkəmə prosesi başa çatıb.

Lent.az-ın məlumatına görə, prosesdə təqsirləndirilən şəxs - 1973-cü il təvəllüdlü Aydın Mahmudova hökm oxunub. Hökmə əsasən, o, 6 il müddətinə azadlıqdan məhrum edilib.

İttihama görə, keçən ilin avqust ayında Əzizbəyov rayonu Çilov adasında Aydın Mahmudov 1949-cu il təvəllüdlü N. R-nı zorlayıb. Zərərçəkən hadisə haqqında hüquq-mühafizə orqanlarına müraciət edəndən sonra faktla bağlı araşdırma aparılıb. Hadisənin törədən keçmiş məhkum A.Mahmudov yaxalanaraq istintaqa təhvil verilib.

Qeyd edək ki, A. Mahmudov Azərbaycan Respublikası Cinayət Məcəlləsinin 149-cu (zorlama) maddəsi ilə ittiham olunub.

F.Ə