Rusiyada meşə yanır, minlərlə insan köçürülüb

Rusiyanın Ryazansk vilayətində meşə yanır.
Lent.az-ın İTAR-TASS agentliyinə istinadən verdiyi məlumata görə, vilayətin 4 yaşayış məntəqəsindən mindən çox insan köçürülüb, evakuasiya işləri davam edir.
İyulun 28-də meşə massivində başlayan yanğın Ryazansk vilayətinin Klepikovsk rayonunun Kriuşi kəndinə keçib, 30 ev yanıb. Kultuk kəndində 6 ev kül olub. Ryazansk vilayətində başqa 2 yaşayış məntəqəsi də yanğından zərər görüb.
Hazırda yanğının söndürülməsinə 34 yanğınsöndürmə maşını, çoxlu sayda yanğınsöndürən cəlb olunub.