7 evdən oğurluq edən şəxs yaxalandı

O, əvvəllərdə oğurluq etdiyinə görə məhkum edilib

Xaçmaz rayon polis şöbəsinin əməkdaşlarının keçirdiyi əməliyyat axtarış tədbirləri nəticəsində evlərdən oğurluq edən şəxs yaxalanıb. Saxlanılan 30 yaşlı Eyvaz Paşayevin 7 evdən vətəndaşlara məxsus qızıl zinət və müxtəlif məbləğdə pulu oğurladığı məlum olub.

Xaçmaz rayon polis şöbəsinin istintaq bölməsinin rəis əvəzi Əhməd Nəcəfov Lent.az-a bildirib ki, istintaq araşdırmaları nəticəsində Eyvaz Paşayevin əvvəllər də oğurluq etdiyinə görə məhkum olduğu müəyyənləşib.

Faktla bağlı 177.2.3-cü maddəsi ilə cinayət işi başlanıb.

Təqsiri sübuta yetirilsə, Eyvaz Paşayevi 3 ildən 7 ilədək azadlıqdan məhrumetmə cəzası gözləyir.