Dəvəçidə ərzaq daşıyan iki vaqon aşıb

“Azərbaycan dəmir Yolları” Qapalı Səhmdar Cəmiyyətindən Lent.az-a bildiriblər ki, hadisə dünən günorta saatlarında Dəvəçi-Şirvan mənzilinin 2526-cı kilometrliyində olub. Belə ki, Dəvəçi kəndinin ərazisində dəmir yolu keçidində relsin sınması nəticəsində yük qatarının sonuncu 2 vaqonu relsdən çıxıb. Ərzaq məhsulları ilə yüklənmiş vaqon qarşıdan gələn yük qatarının sonuncu 2 vaqonuna dəyib. Nəticədə hər iki istiqamətdə qatarların hərəkəti dayanıb.

Hadisə nəticəsində xəsarət alan olmayıb. Qısa zaman çərçivəsində görülən tədbirlər nəticəsində hər iki istiqamətə qatarların hərəkəti bərpa olunub.

Elxan SALAHOV