Gəncədə 3 avtomobil qəzası baş verib

Sentyabrın 26-da Gəncədə 3 yol-nəqliyyat hadisəsi baş verib. Bu barədə Lent.az-ın Gəncəbasar müxbirinə Gəncə şəhər Polis İdarəsindən bildirilib. Məlumata görə, saat 15.00 radələrində Mirzə Abbas Abbaszadə küçəsində 1968-ci ildə anadan olmuş Həmzəyev Ramiz İsmayıl oğlunun idarə etdiyi «VAZ 21 06» markalı, 20 CD 784 dövlət nömrə nişanlı avtomobil yolu keçən piyada, 1928-ci il təvəllüdlü Gəncə sakini Vəliyev Həsənəli Mustafa oğlunu vurub. Yaralanan piyada xəstəxanaya aparılıb.

Daha bir yol qəzası saat 19.00 radələrində Atatürk prospektində olub. Gəncə sakini, 1981-ci il təvəllüdlü Mehdiyev Zaur Tahir oğlu «VAZ 21 015» markalı, 20 CF 177 nişanlı avtomobillə piyada, 1992-ci ildə anadan olmuş şəhər sakini Musayev Kamil Alim oğlunu vurub. Piyada yaralanıb. Saat 20.00 radələrində isə Zülfü Hacıyev küçəsi ilə Şah İsmayıl Xətai prospektinin kəsişməsində 1975-ci ildə anadan olan Əliyev Məhəmməd Məmməd oğlunun idarə etdiyi «VAZ 21 011» markalı, 51 BA 705 nişanlı avtomobillə, Kəlbəcərli məcburi köçkün, 1978-ci il təvəllüdlü Mehrəliv Niyaz Köçəri oğlunun idarə etdiyi «VAZ 21 07» markalı, 23 BE 842 dövlət nömrə nişanlı avtomaşın toqquşub.
Nəticədə hər iki sürücü yaralanıb. Faktlarla bağlı araşdırma aparılır.

Vüsalə Cənnətova