Güclü külək Qubanın bəzi yaşayış məntəqələrini işıqsız qoydu

Mart ayının 13-də Qubada əsən güclü külək rayonun elektrik təsərrüfatına ziyan vurub. Rayonunun bəzi yaşayış məntəqələrinə elektrik enerjisinin verilişində problemlər yaranıb. Lent.az-ın bölgə müxbirinin verdiyi məlumata görə, bəzi ərazilərdə elektrik dirəkləri aşıb. Güləzi inzibati ərazi vahidliyinə daxil olan 10 kəndində elektrik enerjisi yoxdur.

Quba Elektrik Şəbəkə rayonundan Lent.az-a bildiriblər ki, hazırda rayonun elektrik enerjisi ilə təchizatında problem yoxdur. İdarədən onu da bildiriblər ki, Güləzi İƏV-nə daxil olan 10 kənddə də elektrik enerjisinin bir neçə saat ərzində bərpa olunacağı gözlənilir.

Vəli Turan