Bakı-Ceyhan kəməri ətrafında yanğın həyəcanı

İyunun 22-də Tovuz rayonu ərazisində yanğın hadisəsi qeydə alınıb. Lent.az-ın FHN-in saytına istinadən verdiyi məlumata görə, Qovlar qəsəbəsində Qovlar Qəsəbə Bələdiyyəsinə məxsus ərazidə 2 ha sahədə quru ot yanıb.

Hadisə yerinə cəlb edilmiş yanğınsöndürənlər yaxınlıqdan keçən Bakı-Tbilisi-Ceyhan neft kəmərini yanğından mühafizə ediblər. Yanğın saat 18:00-da yanğınsöndürənlər tərəfindən tamamilə söndürülüb.