Samuxda qız anasını qətlə yetirib

Samux rayon Prokurorluğundan APA-nın Qərb bürosuna verilən məlumata görə, hadisə dünən saat 18:30 radələrində qeydə alınıb. Rayonun İnstitut qəsəbəsinin sakini, 1989-cu il təvəllüdlü İlahə İlham qızı Bayramova anası 1965-ci il təvəllüdlü Sevda Məmməd qızı Məmmədovanı bıçaqla vuraraq öldürüb.

Hadisənin ailə-məişət münaqişəsi zəminində baş verdiyi bildirilir. Məlumatlara görə, anasını öldürən qız ruhi xəstədir.

Faktla əlaqədar Samux rayon Prokurorluğunda cinayət işi açılıb, araşdırma aparılır.