Xaçmazda 7 yaşlı uşaq faciəli şəkildə öldü

Qəza Xaçmaz-Quba yolunun 6-cı km-də, rayonun Ağyaz kəndi ərazisində qeydə alınıb.

Lent.az-ın bölgə müxbirinin verdiyi məlumata görə, 2004-cü il təvəllüdlü Hacıyeva Nərminə Şahin qızını maşın vurub. Avtobus dayanacağında düşən 7 yaşlı qızcığaz tələsik yolu keçmək istəyib və əks istiqamətdə hərəkət edən naməlim avtomaşının qarşısına çıxıb. Qəza nəticəsində xəsarət alan 7 yaşlı qız Xaçmaz rayon xəstəxanasına çatdırılarkən yolda keçinib.

Nərminənin anası Elnarə övladını yük maşının vurduğunu deyib.

Faktla bağlı araşdırma aparılır. Hadisənin törədən sürücünün axtarışları davam etdirilir.

Vəli Turan