Bakıda taksi sürücüsünü döydülər

Bakı şəhər Baş Polis İdarəsindən Lent.az-a verilən məlumata görə, Elmir adlı şəxs müştəri qismində Bakı şəhər sakini Əhməd Novruzquliyevin idarə etdiyi «Daewoo Nexia» markalı avtomobilə oturub. Həmin şəxs A.Məhərrəmov küçəsində yumruqla sürüsünün sifət nahiyəsindən vurub və onun 79 manatını alıb.

Nəsimi RPİ 19-cu PB əməkdaşlarının keçirdikləri əməliyyat tədbirləri nəticəsində quldurluqda şübhəli bilinən Biləcəri qəsəbə sakini, əvvəllər məhkum olunmuş Elmir Kərimov iyulun 27-də yaxalanıb.