Bu universitetin birinci kurs tələbələri hədələndi - Polis hərəkətə KEÇDİ

Azərbaycan Dövlət Mədəniyyət və İncəsənət Universitetinin (ADMİU) birinci kurs tələbələri Sosial şəbəkələrdə təhqir olunublar.

Lent.az xəbər verir ki, tiktokda "leylakenan" adlı səhifədə canlı yayım zamanı sözügedən universitetin birinci kurs tələbələri barəsində alçaldıcı ifadələr səsləndirilib.

Canlı yayımda danışan şəxslər hətta həmin tələbələrə xəsarət yetirəcəklərini də deyiblər. Onlar əvvəlki illərdə də ADMİU-nun birinci kurs tələbələrinə xəsarət yetirdiklərini açıqlayıblar.

Məsələ ilə bağlı DİN mətbuat xidmətinin əməkdaşı Lumu İsrəfilli hadisədən məlumatlı olduqlarını və araşdırma aparıldığını deyib.