Bakıda hasarın aşması nəticəsində ölən şəxsin kimliyi məlum olub.
Lent.az-ın əldə etdiyi məlumata görə, hadisə Xətai rayonu, Zeytun küçəsində qeydə alınıb.
Güclü külək hasarı aşırıb. Nəticədə 1980-cı il təvəllüdlü Rüfət Qasımov dağıntı altında qalaraq ölüb.
Faktla bağlı araşdırma aparılır.
***
saat 10:29
Küləkli hava şəraiti ilə əlaqədar Respublika Təcili və Təxirəsalınmaz Tibbi Yardım Mərkəzinə yıxılma səbəbilə 5 çağırış qeydə alınıb.
Respublika Təcili və Təxirəsalınmaz Tibbi Yardım Mərkəzindən Lent.az-ın sorğusuna cavab olaraq bildirilib ki, çağırış ünvanlarına təcili tibbi yardım briqadaları cəlb olunub.
Təcili tibbi yardım briqadası tərəfindən 47 yaşlı şəxs (qadın) Sabunçu Tibb Mərkəzinə, 73 yaşlı (qadın) Elmi-Tədqiqat Travmatologiya və Ortopediya İnstitutuna, 43 yaşlı (qadın) və 53 yaşlı (kişi) şəxslər isə Kliniki Tibbi Mərkəzə hospitalizasiya olunub.
Hava şəraiti ilə əlaqədar 1 nəfərin (kişi) həkiməqədər ölüm faktı qeydə alınıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
