Novxanı və Görədildə bağ evlərindən oğurluq edənlər saxlanıldı - VİDEO

Binəqədi rayonunda tikintisi tamamlanmayan 8 evdən oğurluq edilib.

Daxili İşlər Nazirliyinin mətbuat xidmətindən Lent.az-a verilən məlumata görə, Binəqədi rayon Polis İdarəsi əməkdaşlarının keçirdiyi əməliyyat-axtarış tədbiri ilə qabaqcadan əlbir olaraq talama cinayətini törədənlər - 33 yaşlı Rövşən Cavadov və tanışı 38 yaşlı Elvin Aliyev saxlanılıblar.

Onlar Novxanı və Görədil bağları massivlərində evlərdə təmir işlərinin getmədiyinə əmin olduqdan sonra həmin mənzillərdən santexnika malları, təmir-tikinti alətləri, məişət əşyaları və elektrik naqillərini talayıblar. Bu yolla zərərçəkənlərə külli miqdqrda zərər vurublar. Onların oğurluq əməlləri təhlükəsizlik kameraları vasitəsilə anbaan lentə alınıb.

İdarə əməkdaşlarının keçirdiyi daha bir əməliyyat zamanı Sulutəpə qəsəbəsində iki evdən ümimilikdə 10 min manat dəyərində qızıl-zinət əşyaları oğurlayan 48 yaşlı Ramil Əsgərov da saxlanılaraq istintaqa təqdim edilib.

Bu faktla bağlı cinayət işləri başlanılıb, araşdırma aparılır.