Polisə şikayətə gedən COVID xəstəsinə CİNAYƏT İŞİ  açıldı
24 yanvar 2022 16:40 (UTC +04:00)

Polisə şikayətə gedən COVID xəstəsinə CİNAYƏT İŞİ açıldı

“Sumqayıtda vətəndaş Ülvi Həsənlinin izahat yazmaq üçün getdiyi polis orqanında təzyiqlərə məruz qalması ilə bağlı iddiaları əsassızdır, həqiqəti əks etdirmir”.

Bu sözləri Lent.az-a Daxili İşlər Nazirliyinin mətbuat xidmətinin şöbə rəisi, polis mayoru Elşad Hacıyev bildirib.

Onun sözlərinə görə, bu iddiaları yayması onun barəsində aparılan araşdırmadan yayınmaq məqsədi daşıyır:

“Ü.Həsənli aktiv COVİD-19 infeksiyası daşıyıcısı olduğu halda müalicə təyin olunan ünvanı tərk edərək polis orqanına gəlib. Qeyd olunan hallarla bağlı onun barəsində Sumqayıt şəhər Polis İdarəsində Cinayət Məcəlləsinin 139-1.1-ci (epidemiya əleyhinə və karantin rejimlərinin pozulması) maddəsinə əsasən araşdırma başlayıb, digər şikayətləri isə nəzarətə götürülməklə xidməti yoxlama aparılır”. 

Qeyd edək ki, sosial şəbəkələrdə Ülvi Həsənlinin evinin qarət olunduğu, bununla əlaqədar polis bölməsinə getdiyi zaman isə saxlanıldığı barədə iddialar yayılıb. 

# 1251
avatar

Mehman Nəbiyev

Oxşar yazılar