
20 milyon manatlıq heroin aşkarlandı
Gömrükçülərin həyata keçirdiyi növbəti uğurlu əməliyyat nəticəsində 110 kq 400 qram natkotik vasitənin-heroinin qaçaqmalçılığının qarşısı alınıb. Bu barədə Lent.az-a DGK Mətbuat və İctimaiyyətlə Əlaqələr İdarəsindən bildirilib.
Xəbərə görə, Cənub Ərazi Baş Gömrük İdarəsi Əməliyyat və Təhqiqat İdarəsinə İran İslam Respublikasından külli miqdarda narkotik vasitələrin Azərbaycan Respublikasının ərazisindən tranzit keçməklə Avropa ölkələrinə aparılacağı barədə əməliyyat məlumatı daxil olub. Məlumat əsasında İran İslam Respublikasından Azərbaycan Respublikası ərazisindən tranzit keçməklə İsveçə “yeyinti malları” adı altında yük daşıyan İİR vətəndaşı İranızadeh Alı Gholamabbasın idarə etdiyi “VOLVO” markalı yük avtomobili Biləsuvar gömrük postunda saxlanılıb və “Belıy” ləqəbli kinoloji xidmət iti vasitəsilə gömrük yoxlamasından keçirilib.
Yoxlama zamanı xidməti it xüsusi işarə və hərəkətlərlə yük maşının qoşqusunun təkərlərinə reaksiya verib. Bundan sonra qoşqunun təkərləri açılaraq 3 ədəd hərəkətverici oxların içərisində, zavod konstruksiyasında nəzərdə tutulmuş boşluqda gömrük nəzarətindən gizlədilmiş dairəvi-uzunsov formalı bağlamaların olduğu müəyyən edilib. Yoxlama zamanı yapışqanlı lentlə sarınmış dairəvi formalı bağlamaların içərisindən, ümumilikdə 110 kq 400 qram narkotik vasitə-heroin aşkarlanıb.
Tutulan narkotik vasitənin İran İslam Respublikasından İsveçə aparılmasını nəzərə alsaq, 110 kq 400 qram heroinin Avropanın "qara bazar"ında dəyəri, təxminən 20 milyon manat təşkil edir.
Faktla bağlı araşdırma aparılır.
Oxşar yazılar

Rusiya SOCAR-ın Odessadakı neft bazasını vurdu, yaralılar var
8 avqust 2025 , 20:52
Ağdaşda FACİƏ: 35 yaşlı kişini cərəyan vurub öldürdü
8 avqust 2025 , 20:34
Bakıda dənizdə 1 nəfər batdı
8 avqust 2025 , 19:54
Bakıda üzüm çardağında meyit tapıldı
8 avqust 2025 , 19:11
Kamran Əliyev bu cinayət işləri ilə bağlı tapşırıq verdi
8 avqust 2025 , 16:10
Lotereya oğrusu TUTULDU
8 avqust 2025 , 13:08
Əlini pəncərədən çıxaran sürücülərə XƏBƏRDARLIQ
8 avqust 2025 , 12:34