Təhsil Nazirliyi Pedaqoji Universitetdəki aksiyaya münasibət bildirdi

Təhsil Nazirliyi Azərbaycan Dövlət Pedaqoji Universitetində bir qrup tələbənin semestr imtahanları ilə əlaqədar bu gün keçirdiyi aksiyaya rəsmi münasibət bildirib. Təhsil Nazirliyinin mətbuat xidmətinin rəhbəri Cəsarət Valehovun Lent.az-a verdiyi məlumata görə, hər bir universitetdə semestr imtahanlarının keçirilməsi forması universitetdə çalışan professor-müəllim və tələbə heyətinin birgə müzakirəsindən sonra seçilə bilər və bu forma nazirlik tərəfindən təsdiq olunur: “Təhsil Nazirliyi olaraq bildiririk ki, Azərbaycan Dövlət Pedaqoji Universiteti tərəfindən semestr imtahanlarının keçirilməsi formasında hər hansı dəyişikliyi nazirlik təsdiq etməyib”.