Oktyabrın 20-dsə şğaldan azad edilmiş Xocavənd rayonunun Tağaverd kəndi ərazisində mina partlayıb.
Azərbaycanın Minatəmizləmə Agentliyindən (ANAMA) Lent.az-a verilən məlumata görə, ekskavator operatoru vəzifəsində çalışan Agentliyin əməkdaşı 58 yaşlı Şirinov İlqar Vəli oğlu xidməti vəzifəsini yerinə yetirərkən baş verən piyada əleyhinə mina partlayışı nəticəsində yaralanıb.
Həmin şəxs hadisə yerindən təxliyyə edilərək, rayon xəstəxanasına çatdırılıb. Xəsarət alan şəxsin sağ ayağı topuq nahiyəsindən amputasiya edilib. Vəziyyəti stabildir.