Kurban Berdıyev: “Müqaviləm başa çatır, amma qalmaq istəyirəm”

Rusiyanın “Rubin” klubunun baş məşqçisi Kurban Berdıyev başqa komandaların sükanı arxasına keçməyəcək. Lent.az-ın məlumatına görə, bu barədə türkmənistanlı mütəxəssis “Sport-Ekspress”ə müsahibəsində deyib.

Berdıyev bildirib ki, keçmiş SSRİ respublikalarından bir neçə təklif alıb. Lakin o, nə klub, nə də yığma komandaların baş məşqçisi olmayacağını bildirib: “Mən ilk növbədə, uşaq-gənclər futbolunun inkişafı və infrastrukturun yaradılmasına köklənmişəm. “Rubin”lə müqaviləm dekabrın 31-də başa çatır. Hələlik klubdan mənə yeni müqavilə təklif olunmayıb. Fikrimcə, bu məsələyə qəyyumlar şurasının iclasından sonra aydınlıq gələcək. “Rubin” mənim ürəyimdədir. Yalnız Kazanda mənim işim alınıb. Əlbəttə, qalmaq istərdim. Lakin hər şey Allahın əlindədir. Necə məsləhət görsə, elə də olacaq”.

Təcrübəli mütəxəssis son zamanlar klubda aparılan yoxlamalara da toxunub. Baş məşqçi yoxlamalara öyrəşdiklərini söyləyib.

Qeyd edək ki, Kurban Berdıyev 2001-ci ildən “Rubin”in baş məşqçisidir.