“Tvente” 21 yaşlı Vaqif Cavadovun əvəzinə 34 yaşlı futbolçu aldı - FOTO

Lent.az-ın məlumatına görə, Enshede klubu 34 yaşlı yarımmüdafiəçi Denni Landzatla müqavilə bağlayıb.

Landzatın sonuncu iş yeri “Feyenord” komandası olub. Yayda Rotterdam təmsilçisi ilə yollarını ayıran futbolçu “Tvente”yə azad agent qismində transfer olub. O, yeni komandasında 7 nömrəli formada çıxış edəcək. Həmin formanı bunadək məhz 21 yaşlı Cavadov daşıyırdı.

Qeyd edək ki, Denni Landzat 2001 – 2008-ci illərdə Hollandiya milli komandasına da cəlb olunub. O, yığmada 38 oyun keçirib və 1 qol vurub.