Azərbaycanın hər iki yığmasından daha bir qələbə

Lent.az-ın məlumatına görə, Azərbaycanın kişi və qadınlardan ibarət milli komandaları turu eyni hesablı qələbə ilə başa vurublar – 3,5:0,5.

Kişilərdən ibarət yığmamız Venesueladan üstün olub. Komandamızın heyətində Rauf Məmmədov, Qədir Hüseynov və Eltac Səfərli qalib gəlib. Yalnız Şəhriyar Məmmədyarov rəqibi ilə heç-heçəyə razılaşıb.

Qadın millimiz isə Slovakiyanı yenib. Zeynəb Məmmədyarova, Gülnar Məmmədova və Xəyalə İsgəndərova qələbə qazanıb, Türkan Məmmədyarova heç-heçə edib.

Bu qələbədən sonra həm kişi, həm də qadınlardan ibarət yığmamız aktivindəki xalların sayını 6-ya çatdırıb.