Unibank Premyer Liqası: “Xəzər Lənkəran”ın qənimi ilə matçının vaxtı məlum oldu

Lent.az-ın Peşəkar Futbol Liqasının rəsmi saytına istinadən verdiyi məlumata görə, qarşıdakı tura oktyabrın 1-də Zaqatalada start veriləcək.

Həmin gün “Simurq” “Qəbələ”ni sınağa çəkəcək. Daha çox maraq doğuran görüşlər isə Bakıda və Lənkəranda baş tutacaq. 2-ci pillədə qərarlaşan “Neftçi” 3-cü pillədəki AZAL-ı Tofiq Bəhramov adına Respublika stadionunda sınağa çəkəcək. Lider “Xəzər Lənkəran” isə tədricən özünə gəlməyə başlayan “Bakı”nı qəbul edəcək. Bu oyunun prinsipiallığı ondadır ki, məhz “Bakı” klubu ötən mövsüm Lənkəran komandasını Azərbaycan çempionluğundan və ölkə kubokundan məhrum edib. Tura məhz bu qarşılaşma ilə yekun vurulacaq.

1 oktyabr (cümə)

16:00. “Simurq” (Zaqatala) – “Qəbələ”
Zaqatala şəhər stadionu.

18:00. “Neftçi” (Bakı) – AZAL (Bakı)
Tofiq Bəhramov adına Respublika stadionu.

18:00. “İnter” (Bakı) – “Muğan” (Salyan)
“Şəfa” stadionu.

2 oktyabr (şənbə)

16:00. “Turan” (Tovuz) – “Qarabağ” (Ağdam)
Tovuz şəhər stadionu.

16:00. MOİK (Bakı) – “Gəncə”
Tofiq İsmayılov adına Suraxanı qəsəbə stadionu.

19:00. “Xəzər Lənkəran” – “Bakı”
Lənkəran şəhər mərkəzi stadionu.