Mariya Şarapovaya 250 min dollarlıq nişan üzüyü verildi

Lent.az-ın “Go Tennis”ə istinadən verdiyi məlumata görə, artıq Vuyaçiç Şarapovaya nişan üzüyü də alıb.

Ekspertlərin fikrincə, 7-8 karatlıq üzüyün 250 min dollar qiyməti var. Rusiyalı tennisçi özünü xeyli xoşbəxt hiss etdiyini bildirib: “Saşa məni xeyli təəccübləndirdi. Özümü xoşbəxt və bir qədər ərköyün hiss edirəm. Saşanın evlənmək təklifi etdiyi gecə mənim üçün həqiqətən də unudulmaz oldu. Həmin anları xüsusi hisslərlə hər zaman xatırlayacağam. Çox məmnunam”.

Şarapovanın sözlərinə görə, üzüyü Vuyaçiçin özü seçib. O bildirib ki, gələcək əri gözəl zövqə malikdir. Hələlik toyun tarixini müəyyənləşdirmədiyini deyən tennisçi nikaha girməyə tələsmədiklərini vurğulayıb.

Qeyd edək ki, əvvəllər Mariya Şaparovanın məşhur amerikalı tennisçi Endi Roddik və “NBC” telekanalının idman direktorunun oğlu Çarli Ebersolla eşq macəraları haqda xəbərlər dolaşıb.