Avropa Liqası: Bütün ¼ finalçılar məlum oldu

Lent.az-ın məlumatına görə, 8 qarşılaşmada Rusiyanın 3 klubundan cəmi 1-i növbəti mərhələyə vəsiqə qazana bilib. “Spartak” “Ayaks”la matçda daha çox “Zenit”ə “Tvente”ni yenmək üçün lazım olan böyük hesablı qələbəyə nail olub. MOİK isə “Portu”ya Portuqaliyada da uduzub. İngiltərə klublarından “Liverpul” Portuqaliya “Braqa”sını, “Mançester Siti” isə Ukraynanın Kiyev “Dinamo”sunu keçə bilməyib. Portuqaliyanın ¼ finala yüksələn üçüncü klubu isə “Benfika” olub. “Tvente”dən əlavə, Hollandiyanın PSV klubu da ¼ finala çıxıb. İspaniyadan isə yalnız “Vilyarreal” mübarizəni davam etdirəcək.

“Portu” (Portuqaliya) - MOİK (Moskva, Rusiya) - 2:1
Halk, 1. Freddi Quarin, 24 - Zoran Toşiç, 29
İlk oyun - 1:0

“Liverpul” (İngiltərə) – “Braqa” (Portuqaliya) - 0:0
İlk oyun - 0:1

“Reyncers” (Şotlandiya) - PSV (Hollandiya) - 0:1
Jeremen Lens, 13
İlk oyun - 0:0

“Villareal” (İspaniya) – “Bayer” (Almaniya) - 2:1
Santyaqo Kasorla, 33. Cüzeppe Rossi, 61 - Eren Derdiyok, 82
İlk oyun - 3:2

“Mançester Siti” (İngiltərə) – “Dinamo” (Kiyev, Ukrayna) - 1:0
Aleksandar Kolarov, 39
Qırmızı vərəqə: Mario Balotelli, 36 (“Mançester Siti”)
İlk oyun - 0:2

PSJ (Fransa) – “Benfika” (Portuqaliya) - 1:1
Nikolas Qaytan, 27 - Matyö Bodmer, 35
İlk oyun - 1:2

“Spartak” (Moskva, Rusiya) – “Ayaks” (Hollandiya) - 3:0
Dmitri Kombarov, 21. Velliton, 30. Aleks, 54
İlk oyun - 1:0

“Zenit” (Rusiya) – “Tvente” (Hollandiya) - 2:0
Roman Şirokov, 16. Aleksandr Kerjakov, 37
İlk oyun – 0:3.

Beləliklə, martın 18-də keçiriləcək ¼ final və yarımfinal mərhələlərinin püşkatma mərasiminə “Portu”, “Braqa”, “Benfika” (hər üçü Portuqaliya), PSV, “Tvente” (hər ikisi Hollandiya), “Vilyarreal” (İspaniya), “Spartak” (Moskva, Rusiya) və “Dinamo” (Kiyev, Ukrayna) qatılacaq.