Quti Bekhemin yanına gedir

Lent.az-ın məlumatına görə, bu barədə “qara qartallar”ın idman direktoru Çengiz Zülfikaroğlu açıqlama verib.

O, 34 yaşlı oyunçu ilə “Nyu-York Red Bullz” və “Los Anceles Qelaksi” klublarının maraqlandığını bildirib. Zülfikaroğlu ispaniyalı forvardın bu iki komandadan birinə keçmək istəyinə maneçilik törətməyəcəklərini söyləyib: “Biz Qutiyə yeni müqavilə təklif etsək də, sonradan danışıqları dayandırdıq. Çünki bu istiqamətdə heç bir irəliləyiş olmadı”.

Qeyd edək ki, Quti 2010-cu ilin yayında İspaniyanın “Real Madrid” klubundan “Beşiktaş”a keçib. “Los Anceles Qelaksi”də məşhur ingiltərəli futbolçu Devid Bekhem də çıxış edir.