Avropa Liqası: Yalnız “Beşiktaş”

Lent.az-ın məlumatına görə, Türkiyə klublarından yalnız “Beşiktaş” qrup mərhələsinə vəsiqə qazanıb.

“Qara qartallar” Rusiyanın I divizionunda mübarizə aparan “Alaniya”ya səfərdə 0:2 hesabı ilə uduzsalar da, ilk oyundakı böyük hesablı qələbə sayəsində mərhələ adlayıblar. Ötən mövsüm Çempionlar Liqasının qrup mərhələsində mübarizə aparmış “Bursaspor” isə bu dəfə Avroliqanın qruplarına belə qala bilməyib. Belçikada “Anderlext”lə heç-heçəyə nail olmasına baxmayaraq, baş məşqçi Ərtuğrul Sağlamın komandası ev məğlubiyyətinin acısını çəkib.

Rusiyanın adlı-sanlı “Spartak” klubu Moskvada Polşa “Legiya”sına uduzaraq, mübarizəni dayandırıb. “Qarabağ”ı III təsnifat mərhələsində üstələmiş Belçika “Brügge”si Gürcüstan “Zestafoni”sini də məğlubiyyətə uğradıb. “Xəzər Lənkəran”ı II təsnifat mərhələsində dayandırmış İsrailin “Makkabi” (Təl-Əviv) klubu isə Yunanıstan “Panatinaikos”una 2 oyunun cəmində qalib gəlib.

Gecənin ən böyük qəhrəmanlıqlarına Ukraynanın “Vorskla” və “Metallist” komandaları imza atıblar. “Vorskla” Rumıniyada “Dinamo” (Buxarest), “Metallist” isə Fransada “Soşo” üzərində qələbə sayəsində qrup mərhələsinə yüksəlib. Kiyev “Dinamo”su da Bolqarıstan “Liteks”i ilə qarşılaşmada bu vəzifənin öhdəsindən gəlib. Amma “Dnepr” İngiltərə “Fulhem”ini keçə bilməyib.

“Dinamo” (Buxarest, Rumıniya) – “Vorskla” (Ukrayna) – 2:3
İlk oyun - 1:2

“Spartak” (Moskva) – Legia (Polşa) – 2:3
İlk oyun - 2:2

“Renn” (Fransa) – “Srvena Zvezda” (Serbiya) – 4:0
İlk oyun - 2:1

PSV (Hollandiya) – “Rid” (Avstriya) – 5:0
İlk oyun – 0:0

“Alaniya” (Rusiya) – “Besiktaş” (Türkiyə) – 2:0
İlk oyun - 0:3

AEK (Kipr) – “Rusenborq” (Norveç) – 2:1
İlk oyun - 0:0

“Spartak” (Trnava, Slovakiya) – “Lokomotiv” (Moskva, Rusiya) – 1:1
İlk oyun - 0:2

“Dinamo” (Kiyev, Ukrayna) – “Liteks” (Bolqarıstan) – 1:0
İlk oyun - 2:1

“Qaz Metan” (Rumıniya) – “Austriya” (Avstriya) – 1:0
İlk oyun - 1:3

“Dinamo” (Tbilisi, Gürcüstan) – AEK (Yunanıstan) – 1:0 (əlavə vaxtda – 0:1)
İlk oyun - 0:1

“Hapoel” (Təl-Əviv, İsrail) – “Ekranas” (Litva) – 4:0
İlk oyun - 0:1

MOİK (Sofiya, Bolqarıstan) – “Styaua” (Rumıniya) – 1:1
İlk oyun - 0:2

“Yanq Boys (İsveçrə) – “Braqa” (Portuqaliya) – 0:0 (əlavə vaxtda – 2:2)
İlk oyun - 0:0

“Rapid” (Buxarest, Rumıniya) – “Slask” (Polşa) – 1:1
İlk oyun - 3:1

“Sparta” (Çexiya) - “Vasluy” (Rumıniya) – 1:0
İlk oyun - 0:2

“Panatinaikos” (Yunanıstan) – “Makkabi” (Təl-Əviv, İsrail) – 2:1
İlk oyun - 0:3

“Helsinburq” (İsveç) – “Standard” (Belçika) – 1:3
İlk oyun - 0:1

“Şalke 04” (Almaniya) – “Helsinki” (Finlandiya) – 6:1
İlk oyun - 0:2

“Vitoriya” (Portuqaliya) – “Atletiko” (Madrid, İspaniya) – 0:4
İlk oyun - 0:2

“Partizan” (Serbiya) – “Şemrok Rovers” (İrlandiya) – 1:1 (əlavə vaxtda – 0:1)
İlk oyun - 1:1

“Anderlext” (İspaniya) – “Bursaspor” (Türkiyə) – 2:2
İlk oyun - 2:1

“Reyncers” (Şotlandiya) – “Maribor” (Sloveniya) – 1:1
İlk oyun - 1:2

“Dnepr” (Ukrayna) – “Fulhem” (İngiltərə) – 1:0
İlk oyun - 0:3

“Syon” (İsveçrə) – “Seltik” (Şotlandiya) – 3:1
İlk oyun - 0:0

“Brügge” (Belçika) – “Zestafoni” (Gürcüstan) – 2:0
İlk oyun - 3:3

“Soşo” (Fransa) – “Metallist” (Xarkov, Ukrayna) – 0:4
İlk oyun - 0:0

“Roma” (İtaliya) – “Slovan” (Slovakiya) – 1:1
İlk oyun - 0:1

“Rabotniçki” (Makedoniya) – “Latsio” (İtaliya) – 1:3
İlk oyun - 0:6

“Birmingem” (İngiltərə) – “Nasyonal” (Portuqaliya) – 3:0
İlk oyun - 0:0

“Stok Siti” (İngiltərə) – “Tyun” (İsveçrə) – 4:1
İlk oyun - 1:0

AZ (Hollandiya) – “Olesund” (Norveç) – 6:0
İlk oyun - 1:2

PSJ (Fransa) – “Differdanj” (Lüksemburq) – 2:0
İlk oyun - 4:0

“Karpati” (Ukrayna) – PAOK (Yunanıstan) – 1:1
İlk oyun - 0:2

“Tottenhem” (İngiltərə) – “Harts” (Şotlandiya) – 0:0
İlk oyun - 5:0

“Zalsburq” (Avstriya) – “Omoniya” (Kipr) – 1:0
İlk oyun - 1:2

“Sevilya” (İspaniya) – “Hannover” (Almaniya) – 1:1
İlk oyun - 1:2

“Sportinq” (Portuqaliya) – “Nordşelland” (Danimarka) – 2:1
İlk oyun - 0:0