Messi daha bir beynəlxalq mükafat üçün yarışır
12 aprel 2024 17:54 (UTC +04:00)

Messi daha bir beynəlxalq mükafat üçün yarışır

Lionel Messi daha bir mükafat ala bilər. Argentinalı dünyanın ən yaxşı idmançısına təqdim edilən Laureus Dünya İdman Mükafatına namizədlər sırasındadır.

Lent.az xarici mediaya istinadən xəbər verir ki, Laureus Dünya İdman Mükafatı 2000-ci ildən verilir. İlk laureat 2001-ci ildə qalib gələn qolfçu Tayqer Vuds olub. Qolfçu Andre Aqassi, Moris Qrin, Mixael Şumaxer və başqalarını keçib.

Hazırda ən çox qələbə qazanan Rocer Federerdir. Əfsanəvi tennisçi mükafatı beş dəfə alıb.

Lakin Lionel Messi tezliklə isveçrəlilərə yaxınlaşa bilər. İndiyədək argentinalı iki dəfə qalib gəlsə də, yenidən namizədlər siyahısındadır.

“İnter Mayami”nin oyunçusundan başqa, daha bir futbolçu - “Mançester Siti”nin hücumçusu Erlinq Holland da mükafata layiq görülüb. Siyahını Maks Verstappen, Noah Layls, Armand Duplantis və Novak Cokoviç tamamlayır.

Laureus Dünya İdman Mükafatı 2024-ün təqdimetmə mərasimi aprelin 22-nə planlaşdırılıb. Təntənəli tədbir Madriddə keçiriləcək.

1 2 3 4 5 İDMAN XƏBƏRLƏRİ
# 2568
avatar

Oxşar yazılar