“Barselona”nın ulduzu Lamin Yamalın maaşı futbol əfsanələri Messi və Kriştiano Ronaldonu belə geridə qoyub. Bu, futbol ictimaiyyətində böyük rezonans doğurub.
Lent.az xəbər verir ki, 18 yaşlı Lamin Yamal öz yaşına görə futbol əfsanələrindən yüzlərlə dəfə çox qazanır. Məlum olub ki, Kriştiano Ronaldo 18 yaşında “Mançester Yunayted”də oynayarkən həftədə cəmi 1200 avro, Lionel Messi isə həmin yaşda “Barselona”da təxminən 1500 avro maaş alıb.
Eyni zamanda, Yamal hazırda həftədə 300 mindən çox avro qazanır ki, bu da həmin yaş dövründə Messi və Ronaldonun gəlirlərini dəfələrlə üstələyir.
Səbəbi isə illər ərzində futbol bazarının xeyli dəyişməsi və xüsusilə də aparıcı futbolçuların maaşlarının əvvəlkindən qat-qat artmasıdır.
Qeyd edək ki, 18 yaşlı Lamin Yamal artıq Avropa çempionu, həmçinin İspaniya La Liqası, İspaniya Kuboku və Superkubokunun qalibidir. Bu qədər gənc yaşda o, həm “Barselona”nın, həm də İspaniya milli komandasının əsas oyunçularından biri sayılır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
