Xorvatiyanın paytaxtı Zaqrebdə gənc boksçular arasında Avropa çempionatı keçirilir. Lent.az-ın azerisport-a istinadən məlumatına görə, Azərbaycan yığması turnirdə inamla çıxış edir. Artıq 2 boksçumuz yarımfinala vəsiqə qazanıb. Bunlar Məsud Yusifzadə (52 kq) və Məhəmmədəli Tahirovdur (+91 kq). Qeyd edək ki, ¼ finalda idmançılarımız Qaik Pozoyan (Gürcüstan) və Qnel Muradyana (Ermənistan) qalib gəliblər. Yusifzadə rəqibini 3:0 hesabı ilə məğlub etdiyi halda, Tahirovun erməni rəqibi rinqə çıxmayıb. Erməni idmançı səbəb göstərmədən rinqə çıxmaqdan imtina edib
Qeyd edək ki, yarımfinalda Yusifzadə Bolqarıstan boksçusu Daniel Asenovla, Tahirov isə Almaniya idmançısı Peter Kadira ilə döyüşəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
