Futbol üzrə Topaz Premyer Liqasında II turun proqramı açıqlanıb. Lent.az-ın Peşəkar Futbol Liqasının rəsmi saytına istinadən verdiyi məlumata görə, qarşıdakı turun ilk oyun gününə paytaxt derbiləri təsadüf edəcək.
İlk turu məğlubiyyətlə başa vuran komandalardan AZAL avqustun 10-da saat 19:00-da “Bakı”nı, “Rəvan” isə saat 21:00-da “Neftçi”ni sınağa çəkəcək. Ertəsi gün turun mərkəzi qarşılaşması keçiriləcək. İlk turu “Bakı” üzərində 2:1 hesablı qələbə ilə başa vurmuş “Qəbələ” “Qarabağ”a eyni hesabla uduzmuş “İnter”i qəbul edəcək. Tura Lənkəran və Bakıda eyni vaxtda başlanacaq “Xəzər Lənkəran” – “Simurq” və “Qarabağ” – “Sumqayıt” görüşləri ilə yekun vurulacaq.
10 avqust (şənbə)
19:00. AZAL (Bakı) – “Bakı”
Bakı, AZAL Arena stadionu
21:00. “Rəvan” (Bakı) – “Neftçi” (Bakı)
Bakı, “Bayıl Arena”
11 avqust (bazar)
18:00. “Qəbələ” – “İnter” (Bakı)
Qəbələ şəhər stadionu
20:00. “Xəzər Lənkəran” – “Simurq” (Zaqatala)
Lənkəran şəhər mərkəzi stadionu
20:00. “Qarabağ” (Ağdam) – “Sumqayıt”
Bakı, Tofiq Bəhramov adına Respublika stadionu.