Bu gün Bakı Ağır Cinayətlər Məhkəməsində hakim Elnur Nuriyevin sədrliyi ilə Lökbatanda həyat yoldaşını öldürməkdə təqsirləndirilən Rəşad Tağıyevin məhkəmə prosesi keçirilib.
Lent.az xəbər verir ki, dövlət ittihamçısı çıxış edərək R. Tağıyevin 10 il 6 ay azadlıqdan məhrum edilməsini istəyib.
Zərərçəkənin nümayəndəsi buna etiraz edərək R. Tağıyevə ən ağır cəzanın verilməsini məhkəmədən xahiş edib.
Təqsirləndirilən R. Tağıyev son söz çıxışında azyaşlı uşağının olduğunu əsas gətirərək, cəzasının yüngülləşdirilməsini istəyib.
Müşavirədən sonra məhkəmə Rəşad Tağıyevin 10 il müddətinə azadlıqdan məhrum edilməsi barədə hökm verib.
Xatırladaq ki, hadisə iyunun 30-da gecə saatlarında Qaradağ rayonu, Lökbatan qəsəbəsi, Massiv 1 adlı ərazidə baş verib.
Məlumata görə, Tağıyev Rəşad Tofiq oğlu həmin ərazidə arvadı 36 yaşlı Hüseynova Sevinc İnşallah qızını aralarında yaranmış mübahisə zamanı müxtəlif dərəcəli bədən xəsarətləri yetirərək qəsdən öldürüb.
Rəşad Tağıyev barəsində Cinayət Məcəlləsinin 120.1-ci (Qəsdən adam öldürmə) maddəsi ilə yekun ittiham elan olunub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
