Oksana Rəsulova da mahnı oxuyacaq!

Lent.az-ın məlumatına görə, konfrans “MM-Prodakşn”ının təşkil etdiyin konsert proqramlarına həsr olunub. Belə ki, yeni mövsümdə adı çəkilən prodakşn Azərbaycanın tanınmış şou-biznes nümayəndələrinin konsert proqramını keçirtməyi nəzərdə tutur. Prodakşn həmçinin payız aylarında türk şou-biznesinin tanınmış simalarını da Bakıya gətirilməsini planlaşdırır. Bunun üçün artıq həm Azərbaycan həm də türk sənətçiləri ilə danışıqlar aparılıb.

Prodakşnın ilk təşkil etdiyi konsert proqramın isə tanınmış rəqqasə Oksana Rəsulovanın olacaq. Belə ki, rəqqasə “MM-Prodakşn”nın təşkilatçılığı ilə 3 sentyabr tarixində pərəstişkarlarının qarşısına çıxacaq. Tamaşaçılarına möhtəşəm şou vəd edən rəqqasənin konserti “Metkartinq” gecə klubunda baş tutacaq. Oksana bildirib ki, konsertin özəlliyi onun fərqli şəkildə səhnəyə çıxması olacaq. Proqramda həmçinin tanınmış müğənnilərin iştirakı da gözlənilir. Onların sırasında Röya Ayxan, Zamiq Hüseynov, Səidə Sultan, Xuraman Şuşalı, İzzət Bağırov, Emil Bədəlov və digər gənc müğənnilər var.

Konsertdə həmçinin Oksana tək rəqqasə obrazında deyil, müğənni kimi də özünü sınayacaq. Belə ki, o, gənc reper Hüseyn Əhmədovla duet ifa edəcək.

Konsert proqramında həmçinin rəqqasənin gənc ifaçı Murad Sadıqla çəkdirdiyi klipin ilk dəfə olaraq nümayişi gözlənilir. “Rəqs et” adlı mahnın klipinin rejissoru Nail Naiboğludur. Bu klip həm Oksana, həm də Nail tərəfindən Murad Sadıqa hədiyyə olunub.

Lalə Yusifqızı