İlhamə Quliyeva klipini “Uşaq ili”nə həsr edib

Azərbaycanın Xalq artisti İlhamə Quliyeva sözləri Cəlal Qurbanova, musiqisi Gövhər Həsənzadəyə məxsus olan “Sevgi dünyamız” adlı mahnıya klip çəkdirib. Bu barədə Lent.az-a məlumatı rejissor Nail Naiboğlu açıqlayıb. Çəkilişləri rejissor Nail Naiboğlunun rəhbərlik etdiyi heyət aparıb. Pavilyonda lentə alınan ekran işində İlhamə xanım xeyirxah pəri obrazını canlandırıb. Rejissor Nail Naiboğlunun məlumatına görə, klip “Uşaq ili”nə həsr olunub. Bu məqsədlə də İlhamə xanımın klipdə tərəf müqabili rolunda uşaqlar çıxış ediblər.

İlhamə xanım isə öz növbəsində bildirdi ki, hazır ekran işi tamaşaçılara onun avqusta gözlənilən doğum günündə təqdim ediləcək.

Xatırladaq ki, bir müddət əvvəl İlhamə xanım sözügedən klipi Aqil M.Quliyevin ekranlaşdıracağını bildirmişdi. Lakin məlum olmayan səbəblərdən bu, N.Naiboğluna həvalə edildi. Rejissorun sözlərinə görə, “Sevgi dünyamız” İlhamə xanıma ekranlaşdırdığı 4-cü klipi hesab olunur. Bu mahnıya ekran həyatı vermək üçün bir neçə rejissor maraq göstərsə də, İlhamə xanım sözügedən rejissorun adı üzərində dayanıb. Tərəflərin əməkdaşlığının növbəti aylarda da davam etdirələci bildirilir.

Lalə yusifqızı