Azərbaycanlı fanatlar Sami Yusiflə telefonla danışıb

“Ermənistan haqqında yazılanlar yalandır. Onlara inanmayın”
Xəbər verdiyimiz kimi, Türkiyənin “Yeni Şəfəq” qəzeti əslən azərbaycanlı müğənni Sami Yusifin erməni xalqına dostluq münasibətində olması ilə bağlı məlumat yayıb. Lent.az-ın məlumatına görə, azərbaycanlı fanatlar www.samiyusuf-az.tk saytında Sami Yusiflə telefon əlaqəsi saxladıqlarını və sənətçinin yazılan xəbərləri təkzib etdiyini yazıblar: “İki gündür Azərbaycan xalqını şokda saxlayan yalan xəbərlər yayılıb. Yazılan xəbərlərə görə, guya Sami Yusif Ermənistanda konsert verməyi düşünür. Və erməniləri “Eurovision” yarışmasında dəstəkləyib. Yenə erməni yalanları aləmi qarışdırdı. “Yeni Şəfəq” qəzetinin yazdığı bu məlumat bütün KİV-in əsas başlığı oldu”.
Fanatlar sənətçinin açıqlamasını yayıblar: “Sami Yusiflə biz əlaqə yaratdıq. O, bu xəbərin yalan olduğunu bildird. Və belə bir açıqlama vermədiyini söylədi: “Ermənistan haqqında yazılanlar yalandır. Onlara inanmayın”
("All the stuff about Armenian is false and lies.Dont believe them")
Lalə Yusifqızı