Sosial şəbəkələrdə, xüsusilə "Instagram" və TikTok-da artıq uzun müddətdir “2016 və 2026” nostalji trendi populyarlıq qazanır. Ulduzlar, bloqerlər və adi istifadəçilər on il əvvəlki fotolarını və videolarını paylaşır, 2016-cı ildə necə göründüklərini xatırlayırlar.
Həmçinin bir çoxları o dövrün dəbini yada salır: məxmər çokerlər, çelsi çəkmələr, mat tonlu makiyaj və bədənə kip oturan cins şalvarlar trenddə idi. Bu nostalji sosial şəbəkələri o qədər bürüyüb ki, biz də o dövrə qayıtmaq qərarına gəldik. Buna görə də nüfuzlu qadınların o zaman necə göründüyünü xatırlamağı təklif edirik.
Lent.az məşhurların on il ərzində necə dəyişdiyini təqdim edir.
Rihanna
2016-cı ildə müğənni Anti albomunu təqdim etdi, həmçinin digər ifaçılarla birlikdə bir neçə birgə trek yazıb. Rihanna 2016 MTV Video Music Awards mərasimində Michael Jackson Video Vanguard Award mükafatına layiq görülüb. Elə həmin ildə o, Nyu-York Moda Həftəsində Puma ilə birlikdə ilk geyim kolleksiyasını təqdim edib. Bu kolleksiya kommersiya baxımından böyük uğur qazanıb və şirkətə 1 milyard dollardan çox gəlir gətirib.
Selena Qomes
Qomez 2016-cı ilin mayında Revival dünya turuna başladı və “Əsas yaxşılıq prinsipləri” filmində rol alıb. O, müxtəlif mərasimlərdə musiqisi ilə bağlı çoxsaylı mükafatlar qazanıb. Onun ən səs-küylü əməkdaşlıqlarından biri Louis Vuitton kimi lüks brend və Coca-Cola ilə reklam kampaniyaları olub. Xüsusilə Coca-Cola kampaniyasından olan bir fotosu həmin dövrdə "Instagram"da “viral” olub və 4,2 milyon bəyənmə, təxminən 97,5 min şərh toplayıb.
Kim Kardaşyan
2016-cı ildə Kardaşyan 51 milyon dollar qazancı ilə ən yüksək gəlir əldə edən məşhurlar siyahısında 42-ci yerdə idi. Həmin il qazancının 40 faizi Kim Kardaşyan: Hollywood adlı mobil oyunundan gəlib. Oktyabr 2016-cı il oktyabrın 2-də Paris Moda Həftəsinə səfəri zamanı, qaldığı otel otağında silahlı soyğunçuluğa məruz qalıb. Polis kimi geyinmiş beş nəfər onu bağlayıb ağzını bağlayıb və 10 milyon dollar dəyərində zinət əşyalarını oğurlayıb.
Nikol Kidman
2016-cı ildə ekrana çıxan “Şir” filmində Nikоль ana rolunu canlandırdı və bu rol ona 89-cu “Oskar” mərasimində “Ən yaxşı ikinci plan qadın rolu” nominasiyasında namizədlik qazandırıb. Həmçinin 2016-cı ildə o, “BMT Qadınlar” təşkilatına 50 000 dollar ianə edib.
Teylor Svift
2016-cı ildə keçirilən 58-ci illik “Qremmi” mükafatlandırma mərasimində “1989” albomu Svifti “İlin albomu” mükafatını iki dəfə qazanan ilk qadın edib. Elə həmin il BMI Pop Awards-ın 64-cü mərasimində isə Teylor Svift adına xüsusi bir mükafat təsis olunub və o, bu mükafata layiq görülən ilk qadın bəstəkar olub. 2016-cı ildə həmçinin onun Kanye Uest ilə mübahisəsi də gündəmə gəlib.
Kayli Cenner
Ailəsinin realiti şousu sayəsində Kayli bütün dünyanın gözü önündə böyüyürdü. Amma məhz 2016-cı ildə onun işləri xüsusi şəkildə yüksəlişə keçdi. Həmin il onun kosmetika şirkətinin adı Kylie Cosmetics olaraq dəyişdirildi və istehsal olunan kosmetik dəstlərin sayı əvvəlki 15 000-dən 500 000-ə yüksəldi. Brend qısa zamanda dünyada çox tanındı.
Cennifer Lourens
2016-cı ildə Forbes onu illik 46 milyon dollar gəlirlə dünyanın ən yüksək ödəniş alan aktrisası kimi birinci yerə çıxarıb. The Hollywood Reporter isə Lourensi əyləncə sənayesində 100 ən nüfuzlu insan siyahısına daxil edib. Aktrisa bir sıra filmlərdə rol alıb və ürək-damar xəstəlikləri üçün reanimasiya şöbəsinin yaradılması məqsədilə Uşaq Xəstəxanasına 2 milyon dollar ianə edib.
Enn Heteuey
Həmin il aktrisa ilk dəfə ana oldu, amma işləməyə davam edib və “Alisa güzgünün arxasında” filmində rol alıb. 2016-cı ildə Heteuey gender bərabərliyi mövzusunda çıxışlarına görə BMT-nin xoşməramlı səfiri təyin edilib.
Bella Hadid
2016-cı ildə sahə mütəxəssisləri onu Models.com saytında “İlin modeli” seciblər. O, Givenchy, Chanel və Miu Miu nümayişlərində iştirak edib, Marc Jacobs kampaniyasında çəkilib və Dior Makeup brendinin səfiri olub. Bella müxtəlif jurnalların üz qabıqlarında dəfələrlə yer alıb və Victoria’s Secret nümayişində ilk dəfə çıxış edib.
Heyli Biber
O zaman Heyli hələ evli deyildi və Bolduin soyadını daşıyırdı. Amma karyerası yüksəliş dövründə idi - o, Ralph Lauren reklam kampaniyasında çəkilib və Nyu-Yorkun məşhur IMG Models model agentliyi ilə müqavilə imzalayıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
