Ağcabədidə avtomobilin vurduğu piyada öldü

Ağcabədidə ölümlə nəticələnən yol qəzası baş verib.

Lent.az APA-ya istinadla bildirir ki, qəza noyabrın 9-da rayonun Hindarx qəsəbəsində qeydə alınıb.

Ağdam rayon sakini Elxan Şirinovun idarə etdiyi “Mercedes” markalı avtomobil yolu keçən Hindarx qəsəbə sakini 38 yaşlı Elmin Rüstəmovu vurub.

Müxtəlif dərəcəli ağır bədən xəsarətləri alan piyada əvvəlcə Ağdam Rayon Mərkəzi Xəstəxanasına çatdırılıb, daha sonra Mingəçevir Şəhər Mərkəzi Xəstəxanasına göndərilib. 38 yaşlı kişi bu gün xəstəxanada vəfat edib.

Faktla bağlı araşdırma aparılır.