Dünyanın ən zəngin sənətçisinin  adı AÇIQLANDI
29 avqust 2025 19:35 (UTC +04:00)

Dünyanın ən zəngin sənətçisinin adı AÇIQLANDI

“Forbes” jurnalı dünyanın ən varlı sənətçisinin adını açıqlayıb.

Lent.az xarici mediaya istinadla bildirir ki, bu titula Jay-Z (əsl adı Şon Kartr) layiq görülüb. Onun sərvəti 2,6 milyard dollar olaraq qiymətləndirilib.

Beyonsun həyat yoldaşı olan reper bu göstərici ilə siyahıda müğənni Teylor Svifti milyard dollardan çox geridə qoyub.

Nəşrin qeyd etdiyinə görə, 2019-cu ildə hip-hop dünyasının ilk milyarderi olan Jay-Z bu müddət ərzində sərvətini iki dəfədən çox artırıb. Bunun əsas səbəbi onun uğurlu spirtli içki biznesidir. 2021-ci ildə spirtli içkilər nəhəngi LVMH onun “Armand de Brignac” şampan zavodunun 50%-ni satın alıb.

Onun digər aktivləri sırasında Jan-Mişel Basqiyanın əsərləri də daxil olmaqla incəsənət kolleksiyası, musiqi kataloqu, həmçinin “Blockchain” və “Uber” şirkətlərindəki səhmlər var.

2021-ci ildə Şon Kartr Rok-n-roll Şöhrət Zalına daxil edilib, 2022-ci ildə isə “Emmi” musiqi mükafatına layiq görülüb.

1 2 3 4 5 İDMAN XƏBƏRLƏRİ
# 232

Oxşar yazılar