ABŞ-da məşhur “General Hospital” serialının aktrisası Kirsten Storms ilə bağlı qalmaqallı iddialar gündəmə gəlib.
Lent.az TMZ-ya istinadən xəbər verir ki, onun keçmiş həyat yoldaşı Brandon Baraş məhkəməyə müraciət edərək aktrisaya qarşı uzaqlaşdırma qərarı tələb edib və bu qərarı əldə edə bilib.
Məlumata görə, Baraş məhkəməyə təqdim etdiyi sənədlərdə Stormsun narahatedici davranışlarından və bu vəziyyətin onların övladının təhlükəsizliyi üçün risk yarada biləcəyindən çəkindiyini bildirib. O, xüsusilə aktrisanın psixoloji vəziyyəti ilə bağlı ciddi narahatlıq keçirdiyini qeyd edib.
Məhkəmə təqdim olunan materialları nəzərdən keçirdikdən sonra Baraşın müraciətini qəbul edib və Stormsa qarşı təcili uzaqlaşdırma qərarı verib. Bildirilir ki, hakim də aktrisanın psixoloji çətinliklər yaşaya biləcəyini nəzərə alıb. İddialara əsasən, Storms son dövrlərdə qeyri-adi və narahatedici davranışlar nümayiş etdirib. Baraş bu səbəbdən həm özünün, həm də uşaqlarının təhlükəsizliyindən narahat olduğunu bildirib.
Hazırda məsələ ilə bağlı hüquqi proses davam edir və qərarın gələcəkdə dəyişdirilib-dəyişdirilməyəcəyi məlum deyil. Hələ ki, aktrisa bununla bağlı rəsmi açıqlama verməyib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
