NOW TV-də yayımlanan “Kıskanmak” serialında üç qadın obrazın öz ərlərindən başqa kişilərdən hamilə qalması ilə bağlı səhnələr ekrana verilib. Bu kadrlara tamaşaçılar böyük reaksiya verib və serial qısa zamanda sosial şəbəkələrdə müzakirə mövzusuna çevrilib.
Lent.az Türkiyə mediasına istinadla xəbər verir ki, serialın son bölümlərində nümayiş olunan ailədaxili münasibətlər və əxlaqi baxımdan mübahisəli süjet xətləri ictimai narahatlığı daha da artırıb. Bir çox izləyici bu səhnələrin Türkiyənin ailə dəyərlərinə zərər verdiyini iddia edərək tənzimləyici qurumları tədbir görməyə çağırıb.
İki qardaş bir-birinin həyat yoldaşını hamilə qoyur
Serialın hekayəsinə görə, Halitin həyat yoldaşı Mükerrem onun qardaşından hamilə qalır. Digər tərəfdən, Nüzhetin həyat yoldaşı Nalanın da Nüzhetin böyük qardaşı Halitdən hamilə olduğu səhnələr tamaşaçıların diqqətini çəkib.
Şükran evin sürücüsündən hamilə qalır
Bundan əlavə, uzun müddət ərindən uşaq sahibi ola bilməyən Şükranın ailəyə məxsus malikanənin sürücüsündən hamilə qalması da reaksiyaları gücləndirən əsas məqamlardan biri olub.
“Allahım, sənə şükürlər olsun” ifadəsi etirazları artırıb
Xüsusilə Mükerrem obrazının atalıq testindən sonra sevgilisindən hamilə olduğunu öyrənərkən “Allahım, sənə şükürlər olsun” deməsi sosial mediada böyük narazılıq yaradıb. Bu səhnədən sonra çoxsaylı tamaşaçı paylaşım edərək serialın cəmiyyətin mənəvi dəyərlərinə zidd olduğunu bildirib və RTÜK-ün müdaxilə etməsini tələb edib.
Serialın aktyor heyətində tanınmış simalar yer alır
“Kıskanmak” serialının aktyor heyətində Özgü Namal, Selahattin Paşalı, Mehmet Günsür, Hafsanur Sancaktutan, Beril Pozam, Hande Doğandemir, İpek Tuzcuoğlu, İştar Gökseven, Rozet Hubeş, Cem Uslu, Dilara Aksüyek, Lila Gürmen, Zeynep Yüce və Ayda Aksel kimi tanınmış sənətçilər yer alır.
Serial ətrafında yaranan müzakirələrin yaxın günlərdə də davam edəcəyi gözlənilir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
