Ağ evin kommunikasiya direktoru Stiven Çunq, ABŞ prezidenti Donald Trampı tənqid etdiyinə görə amerikalı aktyor Corc Klunini "hərbi cinayətkar" elan edib.
Lent.az xarici mediaya istinadən xəbər verir ki, məmur bu barədə "X" sosial şəbəkəsindəki səhifəsində paylaşım edib.
Çunq qeyd edib ki, yeganə "hərbi cinayət" törədən şəxs Corc Klunidir və o, bunu bərbad filmləri və iyrənc aktyorluq oyunu ilə edir.
Bundan əvvəl Donald Tramp Corc Kluni və ailəsinin Fransa vətəndaşlığı almasını tənqid edərək, Kluni cütlüyünü "bütün zamanların ən pis iki siyasi proqnozçusu" adlandırıb. Tramp həmçinin bildirib ki, onların immiqrasiyaya qarşı qorxulu münasibəti səbəbindən Fransa hazırda ciddi cinayətkarlıq problemi ilə üz-üzədir.
Qeyd edək ki, aktyor və hazırkı ABŞ lideri arasındakı mübahisə hələ 2017-ci ildə başlayıb. O vaxt Kluni Trampı "Hollivud elitası" adlandıraraq ona lağ etmişdi.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
