Brilliant Dadaşova: “...nə gündədirlər?”

Balabançı Əlixan Səmədovun “zərb ustası” adlandırılması xalq artisti Brilliant Dadaşovanı özündən çıxarıb. Lent. az-ın məlumatına görə, ifaçı ötən gün facebook səhifəsində status paylaşaraq bu sözləri qeyd edib: “Ay Allah, bizim bəzi “qələm ustalarımız” nə gündədirlər? Dünyada balabanımızın yeganə ustadı, balabanın kitabını yazan Əlixan Səmədovu zərb ustası adlandıranın görəsən, incəsənətdən xəbəri varmı? Yoxdursa, incəsənətdən yazmasınlar. Elə ona görə də Azərbaycanın milli sərvəti olan balabanımızı başqaları öz musiqi aləti kimi qələmə verə biliblər”.