Elvin Abdullayevin yeni mövsüm iddiası

Gənc müğənni Elvin Abdullayev yeni mövsümün ilk mahnısını təqdim edib. Lent.az-a açıqlama verən müğənni bildirib ki, sözləri Zeynəbə, musiqisi Gülnarəyə məxsus olan “Şanlı Azərbaycan” adlı mahnı artıq hazırdır: “Keçən ildən üzərində çalışdığım bu mahnını nəhayət ki, bu ilin əvvəlində dinləyicilərə təhvil verə bildim. Mahnıya ekran həyatı verməyi də düşünürəm. Bu il də görəcəyim işlər çox olacaq. Əcnəbi bir xanım müğənnidən duet təklifi almışam. Öncədən xanım müğənninin adını açıqlamaq fikrim yoxdur. Artıq mahnı seçimini də etmişik. Duetimiz baş tutandan sonra bu müğənnin adını açıqlayacağam”.