Sevda onu xəstə edib, sənətdən uzaq salan iş adamından danışdı

Öncə rəqqasə, sonralar müğənni kimi tanınan Sevda Sanaliyeva özündən danışıb. Lent.az-ın məlumatına görə, Sevda sənətdən uzaq düşməsindən söz açıb: “ 4 ildən artıqdır ki, sənətdən uzaqlaşmışam. Lakin illərdir susmuşam. Amma vaxt gəlib çatıb, daha susmayacam. Səhhətimdə problemlər var. Müalicəm hələ də davam edir. Xəstəliyim səbəbsiz deyil. Onun səbəbi və səbəbkarı var. Bir azərbaycanlı kimi dövlətimin məni qoruyacağına inanıram. Lazımi yerlərə müraciət edəcəm. Bəzi imkanlı şəxslərin mənə nələr etdiklərini açıqlayacam. Haqqımı da sona qədər müdafiə edəcəm. Bu insanlar sağlamlığımı əlimdən aldılar və hələ də mənə qarşı planlar qururlar. 2 gündən sonra hər şeyi danışacam, məsələni yoluna qoyacam ”.