Bəzən elə situasiyalar olur ki, insanlar özlərinə artıq şeyə icazə verirlər. Xarici görünüşlə bağlı münasibət bildirmək, soruşulmamış məsləhətlər vermək və ya tənqid adı altında hücum etmək. Belə anlarda ən vacibi öz dəyərini itirməmək və qarşı tərəfə aydın göstərməkdir ki, sərhədləriniz toxunulmazdır. Psixoloqlar deyirlər ki, bunun üçün cəmi bir cümlə kifayətdir.
Lent.az Beynəlxalq Psixosomatika və Bədən Terapiyası Assosiasiyasının Facebook paylaşımına istinadən həmin ifadənin necə işə yaradığını izah edir.
“Bilirsiniz, sizə bağlı ağız çox yaraşır. Şəxsi inkişaf tərzinizlə tam uyğundur”.
Bu qısa və ironik cavab söhbət yoldaşını bir neçə saniyəyə yerinə oturdur.
Bu ifadə niyə bu qədər effektlidir?
Sərhədlərin pozulduğunu göstərir. Qarşı tərəf dərhal anlayır ki, dediyi söz artıq idi.
Məsuliyyəti geri qaytarır. Siz özünüzü müdafiə etmirsiniz. Ona öz sözlərinin cavabını daşımalı olduğunu bildirirsiniz.
Ləyaqətinizi qoruyur. Uzun-uzadı izahata ehtiyac yoxdur. Qısa, soyuqqanlı və yumorlu reaksiya kifayətdir.
Bu ifadəni necə düzgün istifadə etməli?
Cümləni sakit və emosiyasız səsləndirin.
Yüngül təbəssüm əlavə edin – gərginliyi azaldacaq, özünüzə inam göstərəcək.
Cavabdan sonra müzakirəni davam etdirməyin – cümlənin özü artıq mövzunu bağlayır.
Psixoloqlardan əlavə məsləhət
Bu texnikanın gücü təhqirdə deyil, ironiyada gizlidir. Siz heç kimi alçaltmırsınız, sadəcə göstərirsiniz ki, onun sözləri sizə təsir etmir. Bu, daxili balansı qorumağın və başqalarının əsassız fikirlərinin gününüzü korlamasının qarşısını almanın ən yumşaq yoludur.
“Sizə bağlı ağız çox yaraşır” texnikası – psixoloji özünümüdafiə üsuludur. Sərhədləri qorumağa, vəziyyəti gərginləşdirmədən mövqeyinizi bildirməyə kömək edir. Bəzən bir qısa cümlə uzun izahlardan daha çox işə yarayır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
