Kişilər getdikcə daha çox sabundan imtina edirlər. Onlar adi duş gelləri əvəzinə yalnız su ilə yuyunmağa, minimal durulama və ya çox yumşaq təmizləmə üsullarına üstünlük verirlər. Hesab edirlər ki, bununla dərinin təbii balansını qoruyur və gündəlik yuyunma vasitələrinin yaratdığı zərəri azaldırlar.
Lent.az xəbər verir ki, alimlərin fikrincə, çox sıx təmizlənmə bu faydalı bakteriyaları məhv edir. Halbuki onlar dərini qoruyur, turşuluq səviyyəsini tənzimləyir və pis qoxularla mübarizə aparır.
İlhamverici təcrübə
Bu ideyanı ilk populyarlaşdıranlardan biri həkim Ceyms Qemblin olub. O hesab edir ki, aqressiv təmizləyici vasitələrdən uzaq durmaq mikrobiomun bərpasına kömək edir, bədən tədricən alışır və dəridə artıq quruluq və qıcıqlanma yaranmır.
Niyə insanlar bu hərəkata qoşulur?
Səbəblər müxtəlifdir. Bəziləri üçün bu, dəridəki qıcıqlanmanı və quruluğu azaltmaq üsuludur, digərləri üçün isə sadəcə minimalizm və vaxt qənaətidir. Bəzi insanlar bunu “mükəmməl təmizlik” ideyasını təbliğ edən kosmetik bazara qarşı bir etiraz kimi görürlər.
Dermatoloqlar nə deyir?
Mütəxəssislər xəbərdarlıq edir ki, sabunsuz həyat hər kəs üçün deyil. Əllərin, qoltuqaltının, cinsi orqanların və ayaqların yuyulması vacibdir. İlk dövrlərdə səpkilər, xoşagəlməz qoxu və ya artıq yağ ifrazı müşahidə oluna bilər. Dermatoloqlar ifrata varmamağı və mikrobiomu zədələməyən, yumşaq, sulfatsız təmizləyiciləri seçməyi tövsiyə edirlər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
