Yayda izləyə biləcəyiniz 5 film -VİDEO

Bu filmlər sizi yay macəralarının, gəncliyin və arzuların ab-havasına qərq edəcək. Rahatlamaq və ilham almaq istədiyiniz bir axşam üçün mükəmməldir.

Lent.az bir neçə dəfə izləmək istəyəcəyiniz yay əhval-ruhiyyəli filmləri təqdim edir.

"Monte Karlo"

Arzuların gerçəkləşməsi və macəralar haqqında yüngül romantik komediya. Qreys, onun ögey bacısı və ən yaxın rəfiqəsi Parisə çoxdan gözlədikləri tətilə yollanırlar. Gözlənilmədən Qreysi varlı bir varisinə oxşadırlar və bu, qızların qarşısında dəbdəbəli istirahət üçün yeni imkanlar açır.

"Yay düşərgəsi"

Üç yaxın rəfiqə yay düşərgəsində yenidən bir araya gəlir və bu, bir sıra gözlənilməz macəralara və kəşflərə səbəb olur. Aydın olan budur: qadınlar hələ də bir-birlərinə ehtiyac duyurlar və yay düşərgəsi onların niyə bir yerdə olduqlarını xatırladır.

"Uğur cinsləri"

Uşaqlıqdan bəri ayrılmaz olan dörd rəfiqə yayı bir-birindən uzaqda keçirmək məcburiyyətində qalır. Onların dostluğunu xilas edən isə sehrli cinslər olur. Bu cinslər hər birinə mükəmməl uyğun gəlir və onlara uğur gətirir.

"Yay – kiçik bir həyatdır"

Bir yeniyetmə qızın həyatından əyləncəli hekayə. Nənəsinin ölümündən sonra o, ailə sirrlərini öyrənir və bu, onun ailə ilə bağlı düşüncələrini dəyişir. Eyni zamanda, o, ilk məhəbbətin çətinliklərini, özünə inamsızlığı və öz kimliyini anlamağa çalışır.

"Yay günləri"

Dörd rəfiqə yay və uşaqlığın son günlərini yaşayırlar. Tezliklə onlar orta məktəbə başlayacaqlar. Qəhrəmanlar böyüməyin acı reallığı ilə üzləşir və sirli bir macəraya atılırlar.