Türk kinosunun qızıl dövrünün tanınmış simalarından olan, ağ-qara filmlərdə yaratdığı obrazlarla yaddaşlarda iz qoyan aktrisa Emel Yıldız vəfat edib.
Lent.az xəbər verir ki, bu barədə sənətçinin yaxın dostu və həmkarı Tuna Arman sosial media hesabında paylaşım edib.
85 yaşında dünyasını dəyişən Emel Yıldız uzun müddətdir ki, mediadan uzaq, sakit həyat sürürdü. Aktrisa təxminən 40 gün əvvəl qızı Elif Sofyanı itirmişdi. Yaxınlarının sözlərinə görə, övlad itkisi sənətçiyə çox ağır təsir edib və o, həmin vaxtdan dərin kədər içində yaşayırdı.
1950-1960-cı illərdə türk kinosunun ən fəal dövrlərində fəaliyyət göstərən Emel Yıldız “Vahşi Kız”, “Cumbadan Rumbaya”, “Avare Mustafa” və “Cilalı İbo Perili Köşkte” kimi filmlərdə çəkilərək böyük tamaşaçı sevgisi qazanıb. Cəsarətli xarakterinə və sənət mühitindəki prinsipial mövqeyinə görə ona “Panter” ləqəbi verilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
