Balığı düzgün bişirmək ev şəraitində çətin görünə bilən bir prosesdir. Balıq zərif zülaldır; onun qısa əzələ lifləri, az birləşdirici toxuması və yüksək su tərkibi səbəbindən, qırmızı ət və quş ətindən qat-qat tez bişir. Bəs balıq nə qədər müddət bişirilməlidir ki, nə yansın, nə də çiy qalsın? Məşhur “hər santimetrə 10 dəqiqə” qaydası məhz bunu izah edir: filetin hər santimetr qalınlığına 10 dəqiqə bişirmə vaxtı əlavə olunmalıdır.
Lent.az xarici KİV-ə istinadən xəbər verir ki, Kevin Tyen bu qayda ilə razılaşır və qeyd edir ki, evdə yemək hazırlayanlar üçün bu tövsiyə həqiqətən faydalıdır. Onun fikrincə, sadə insanlar üçün bu qayda balığın bişirmə prosesini anlamağa kömək edir. Lakin o, “10 dəqiqə qaydası” ilə bağlı bir neçə önəmli xəbərdarlıq da edir.
Balığı sousda bişirirsinizsə 5 dəqiqə artırın
Şef bildirir ki, əgər balıq sousda bişirilirsə, ümumi bişirmə müddətinə əlavə olaraq daha 5 dəqiqə əlavə etmək lazımdır. Sous balığın ətrafında istiliyi bir qədər yavaşıdır.
Filetin dərisi varsa daha uzun bişirilməlidir
Tyenin diqqət çəkdiyi digər vacib faktor filetin üzərində dərinin olub-olmamasıdır. Dəri balıq üçün bir növ “təbii qoruyucu qat” rolunu oynayır və bişirmə prosesini yavaşladır. Əgər dərisi yoxdursa, balığı hər tərəfdən bir neçə dəqiqə az bişirmək kifayət edir.
Qaydanın alternativ forması hər tərəfə 5 dəqiqə
“10 dəqiqə qaydasını” başqa cür də izah etmək olar: bir tərəfə 5 dəqiqə.
Qızartma, sobada bişirmə və ya qril kimi quru istilik üsullarında balığı bişirmənin ortasında çevirmək lazımdır ki, həm bərabər bişsin, həm də gözəl qabıq əmələ gəlsin.
Qaydanın istisnaları
Bu qayda çox nazik 1 santimetrdən az qalınlıqdakı balıq üçün keçərli deyil. Dondurulmuş balıq üçün də uyğun hesab olunmur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
