Adi bir banan səhər rasionunun ulduzuna çevrilə və hətta arıqlamağa kömək edə bilər. Yaponiyada 2008-ci ildə yaradılan “banan dietası” qısa müddətdə ölkədə və bütün dünyada məşhurlaşıb.
Lent.az xəbər verir ki, bu pəhriz həm sadədir, həm də büdcəyə uyğundur.
“Banan dieetasının” qaydası sadədir: Səhər yeməyində istədiyiniz qədər banan yeyirsiniz, sonra isə 15–30 dəqiqə sonra isti su və ya şəkərsiz çay içirsiniz.
Niyə banan? Banandakı lif uzun müddət toxluq hissi yaradır. Triptofan və maqnezium əhval-ruhiyyəni yaxşılaşdırır, narahatlığı azaldır.
Vacib qeyd: Bu pəhrizin arıqlamaya birbaşa təsiri haqqında elmi sübutlar yoxdur. Ona görə də ən yaxşı nəticə üçün dietoloqla birlikdə fərdi menyu tərtib etmək tövsiyə olunur.
Əsas qaydalar
Səhər yalnız banan yeyin - istədiyiniz qədər. Yavaş-yavaş çeynəyin.
Gün ərzində kifayət qədər su için. Axşam yeməyini yatmazdan 3 saat əvvəl yeyin (ən gec 20:00). Gündüz menyusu balanslı olsun: tərəvəzlər, tam taxıllar, paxlalılar, zülal
Gec yatmayın - ən azı 7 saat yuxu. Hərəkətli həyat tərzi: yürüş, rəqs, yüngül idman
Nümunəvi günlük menyu
Səhər: banan + isti su / şəkərsiz çay
Günorta: tərəvəz salatı + balıq, toyuq və ya paxlalılar + az miqdarda düyü və ya tam dənəli məhsullar
Qəlyanaltı: meyvə və ya qoz–badam
Axşam: tərəvəz şorbası və ya sobada tərəvəz + zülal mənbəyi
Nələrdən uzaq durmaq lazımdır?
Şirin məhsullar, dondurma, qazlı içkilər. Çox yağlı yeməklər, fastfud, çips və pizza
Bu pəhriz kimə uyğun ola bilər?
Banan diyetasının üstünlükləri: Toxluq hissini uzadır, stressi azaldır, əhval-ruhiyyəni yaxşılaşdırır. “Emosional yeməyi” azalda bilər.
Amma unutmamaq lazımdır ki, banan diyetasının uğuru ümumi sağlam həyat tərzindən asılıdır. Bu, möcüzə pəhriz deyil, balanslı qidalanma və aktivlik ilə birlikdə təsir göstərir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
