“Üçlük” Azərbaycandadır

Avropa İttifaqı (Aİ) “üçlüyü” Azərbaycanda səfərdədir.

APA-nın məlumatına görə, Aİ-nin hazırkı sədri, İsveçin xarici işlər naziri Karl Bildin başçılıq etdiyi nümayəndə heyəti ölkəmizə iyulun 19-da Gürcüstandan gəlib. Nümayəndə heyətinə Aİ-nin indiki, əvvəlki və bundan sonrakı sədr ölkələrinin nümayəndələri, Aİ-nin Cənubi Qafqaz üzrə xüsusi nümayəndəsi Piter Semnebi, Aİ Şurası katibliyinin təmsilçisi Paolo Barroso Simos, Avropa Komissiyasının təmsilçiləri Karel Kovanda və Con Kyaer daxildir.

Aİ “üçlüyü”nün iyulun 20-də Azərbaycanın xarici işlər naziri Elmar Məmmədyarovla görüşü olacaq. Nümayəndə heyəti bu gün Ermənistana yola düşəcək.